20-21 იანვარს ბულგარეთის ქალაქ ჰასკოვოში ჩატარდა ბალკანეთის ბადმინტონის ასოციაციის შეკრება.
შეკრებაზე განხილული იყო შემდეგი საკითხები:
- ბალკანეთის ბადმინტონის ასოციაციის კალენდრის შედგენა
- ბეკ-ის კონგრესზე, საბჭოს დირექტორატში ბალკანეთის ასოციაციის წევრის წარდგენა
- ბეკ-ის კონგრესზე პრეზიდენტის კანდიდატურების განხილვა
- საწევრო გადასახადის ტარიფის დადგენა
- სხვადასხვა
შეკრებას დაემთხვა ასოციაციის პრეზიდენტის, დოქტორ პუზანტ კასაბიანის დაბადების დღე, რომელსაც საქართველოს ბადმინტონის ეროვნულმა ფედერაციამ სიმბოლური საჩუქარი გადასცა.
პარალელურად, ქალაქ ჰასკოვოში გაიმართა ძმები კასაბიანების ტურნირი, რომელშიც მონაწილეობა მიიღეს კლუბ “VIP-სოფიას” წევრებმა. აღსანიშნავია, დებიუტანტი დანიელ ვაგარშაკიანის გამოსვლა, რომელმაც სამივე თანრიგში საპრიზო ადგილები დაიკავა.
